Op dit grutste vastelaovesbal luuët, wie altiéd, ’t Boerebroélofsgezelschap van ’t veurig jaor, eur “kiendje” kiéke. Heejnao neemp ’t gezelschap aafschied en neme ein nieje taak op zich, die van Ermen Tak.

Daomei make zeej de buun vreej veur ’t nieje Boerebroélofsgezelschap, die zichzelf aan de verzamelde boere en boerinne veurstelle. De zaal is aangekleid in boerestél, kômpleet mit passende boererekwisiete en de gaste gaon allemaol gekleid in eur beste boérekleid of pak. Dit groëtste vastelaovesbal van Venlo, wao jônk en ald zich idder jaor weer veur ’t iërs in eur beste boereploéte laote zeen, markeert ’t begin van de meis joeksige waeke van ’t jaor.