Op de zaoterdaagaovend, percies twië waeke veur de vastelaovend, zal ‘t jäörlikse Jocus Hofbal plaatsvinde in de Maaspaort. In ein biezôndere ambiance en sfeer kump dan ein ind aan ‘t mysterie wae de nieje Hoëgheid zal waere. Op eine persoën nao wuurt ein aantal Venlonaere die oeits Stadsprins wille waere die illusie veur det jaor ôntnaome.

‘t Oétroope haet idder jaor iets spectaculairs en geheimzinnings. Idder jaor zulle de gaste biezônder verras waere. Dames waere in ’t langk verwach, hiëre in smoking of rok op ’t sjiekste fees van de stad!

Alle leeje, donateurs en sponsore van Jocus waere in november persuenlik oétgenuedig kaarte te bestelle veur deeze bizônderen aovend.