Vastelaoves-kefee

Nao nege suksesvolle fysieke edities vindt in 2025 auk weer ’t Vastelaoves-Kefee plaats. Op dinsdaag 25 fibberwarie gaon weej mit vastelaovesleefhebbers in gesprek en zinge weej same inkele klassiekers. ‘t Programma start um 20:00 oor. Inlaup vanaaf 19.30 oor beej ’t kefee van hotel Maashof (veuraan beej de parkeerplaats) in d’n Bookend.’t Onderwerp is deese kier ‘Vastelaovend in de dörpe‘. De taofelgaste zien:

Freek Kusters, veurzitter De Worteleschrabbers (Bookend) Geert Kurstjens, vors De Belhamels (Belfeld) Tom Saris, veurzitter De Thiëtuite (Lomm) Rudi Bakker, vors De Poerker (Hout-Bliërick)

Tössedoor is d’r live meziek van dialekband Linke Mik. De Groët Venloosche Nar 2025 is netuurlik present.