De 3-kes Parade

Eine kier per jaor prissentere weej ózze nieje hoégheid tiédes ‘De 3-kes Parade’. Op zaoterdaag 22 fibberwarie steit De 3-kes Daag op ’t program. We beginne ’s morges en eindige s’aoves. We verzamele rond 11.00 oor mit alle vastelaovesvereiniginge en joekskapelle beej de bioscoop aan de Picardie. Umstreeks 12.00 oor wuurt in optoch nao ’t Stadhoés getrokke. Op de mert wuurt de Groët-Venloosche Nar 2025 oétgeroope rond 12.45 oor. Alle hoëghede waere vanoét de Parterre van ’t Stadhoes weer de catwalk opgeroope door ôs hoésbend Linke Mik. De Nar wuurt bekindgemak door wethalder Frans Schatorjé van de gemeinte Venlo.